Gikumpirma sa Malita Municipal Police Station nga namatay ang usa ka batan-on human natusok og buak nga botelya nga nahitabo sa bangga sa usa ka single motor alas-12:15 sa gabii sa atubangan sa establisemento sa Barangay Poblacion, Malita, Davao Occidental.
Giila ang biktima nga si Gilbert Maticaldao, 24-anyos, samtang ang rider sa motorsiklo nga nalambigit mao si Benruzzel Diaz, hingkod ang edad, residente sa Barangay Tingulo, Malita, Davao Occidental.
Matud ni PLT Col. Mark Donnard Edquibal, Hepe sa Malita Police Station, gidala pa ang biktima sa ospital apan namatay kini tungod sa grabe nga pagkawala sa dugo.
Gidugang pa sa opisyal nga gikustodiya na sa Malita Police Station si Diaz ug mag-atubang kini og kaso alang sa Reckless Imprudence Resulting to Homicide.
