Nakumpiska ang mokabat sa 1,107 ka mga kinarton mga mga palusot nga sigarilyo nga walay igong dokumento nga mibalor sa Php43.5 milyon.
Subay sa report sa mga otoridad, nababagan sa mga sakop sa Naval Forces Eastern Mindanao ang usa ka sakyanang pandagat nga gikargahan sa iligal nga sigarilyo sa kadagatan nga sakop sa Barangay Bato, Sta. Cruz, Davao del Sur, Nobyembre 5, 2025.
Nasayran nga nakadawat sumala pa og impormasyon ang Naval Task Force nga gikan sa usa ka concerned citizen nga adunay usa ka Jungkong-typenga watercraft ang giingong adunay ilegal aktibidad sa maong dapit.
Naatlan sa mga otoridad nga gisakyan sa kontrabando ang M/L Fatima Shakira nga gipanag-iyahan sumala pa ni Alsamer M. Jafaar nga gikan sa Lantawan, Basilan.
Gilayon usab nga gipahigayon ang inspeksyon ug pag-imbentaryo sa maong kontrabando samtang milusad sab og pagsusi ang Philippine Drug Enforcement Agency Region XI aron masigurong walay iligal nga droga ang mga nakumpiska.
Sa pagkakaron, nagpadayon pa ang gihimong imbistigasyon sa mga otoridad.
