Bangka nga nagdala sumala pa og iligal nga droga sa Pacific Ocean, gi-airstrike sa US

Nagpahigayon og airstrike ang US military batok sa upat ka mga bangka nga nagdala og iligal nga droga sa Sidlakang bahin sa Pacific Ocean.

Sumala ni US Secretary of Defense Pete Hegseth, sa labing-bag-ong insidente nga adunay 14 ka tawo ang namatay.

Kini ang unang higayon nga upat ka bangka ang gi-ataki sa susama nga panahon sa military operations sa US.

Gipasabot usab niya nga nakigtambayayong sila sa mga awtoridad sa Mexico human makadawat og impormasyon kabahin sa pagbiyahe sa iligal nga droga sa mga bangka.

Sukad pa niadtong Septyembre, adunay 14 ka bangka na ang gipabuthan sa US military nga nagkarga og iligal nga droga, nga miresulta sa pagkamatay sa 57 ka tawo.