Ombudsman Remulla, gi-angkong na-diagnose sa Leukemia human ang quintuple bypass surgery

Gibutyag ni Ombudsman Jesus Crispin “Boying” Remulla nga na-diagnose kini sa leukemia human sa quintuple bypass heart surgery niadtong 2023 samtang nagserbisyo isip kalihim sa Department of Justice (DOJ).

Sumala ni Remulla, ang kanser sa dugo nadiskobrehan samtang nagpaayo siya gikan sa operasyon.

Nakaagi siya og duha ka siklo sa chemotherapy, total body radiation, ug bone marrow transplant, diin gikuha ang dugo gikan sa iyang anak, nga mao ang iyang pagkaayo.

Matod pa ni Remulla nga ang dugo nga mikatay sa iyaha karon kay dili na iyaha ug gikan na kini sa iyang anak.

Kini ang unang higayon nga iyang gipaambit ang iyang kasinatian sa leukemia, nga nahitabo human sa iyang 10 ka adlaw nga wellness leave sa DOJ niadtong 2023.