-- ADVERTISEMENT --
Nakigsabut ang Department of Public Works and Highways (DPWH) sa Philippine Competition Commission (PCC) ug sa Anti-Money Laundering Council (AMLC) aron mabawi ang mga kuwarta nga nahanaw tungod sa korapsyon.
Matod ni DPWH Secretary Vince Dizon, pinaagi sa maong kasabutan, masiguro nga luwas ang kuwarta sa katawhan.
Naglaom usab siya nga dali ra nga mabalik ang mga pondong nawala gikan sa mga anomalosong kontrata.
Samtang gibutyag ni PCC Chairperson Michael Aguinaldo nga ang kasabutan makatabang aron dali mahibal-an ug mapugngan ang sayop nga proseso sa bidding ug aron madali usab ang pagresolba o masumbong ang maong mga kalapasan.
