Gisalikway sa International Criminal Court (ICC) ang hangyo ni kanhing Pangulong Rodrigo Duterte nga temporaryong pagawason pagawason kini samtang nagapadayon ang proseso sa kaso batok kaniya.
Sumala sa Pre-Trial Chamber I sa ICC, kinahanglan gihapon nga magpabilin ang kanhing pangulo sa kustodiya base sa mga probisyon sa Rome Statute.
Sa desisyon sa korte, ilang gibutyag nga makatarungan ang padayon nga pagka-detain ni Duterte tungod sa kabug-at sa mga akusasyon, panginahanglan nga masiguro nga motubag siya sa husgado, ug likayan ang posibleng pagpanghilabot sa imbestigasyon o hulga sa mga biktima ug mga saksi.
Ang kanhi pangulo ang anaa sa kustodiya sa ICC sa The Hague sukad pa niadtong Marso 2025, tungo sa tulo ka kaso nga pagpatay (murder) nga giisip nga “crimes against humanity” tungod sa iyang kontrobersyal nga kampanya kontra droga sa panahon sa iyang pagdumala sa dakbayan sa Davao og sa nasud.
Kahinumduman nga niadtong Hunyo, ang iyang kampo mihimo og petisyon alang sa temporaryo nga kagawasan niini, nga migamit og mga rason sama sa dili maayung kahimtang sa lawas, ug kakulang sa kapasidad nga motubag sa proseso sa korte.
Gipahayag sab sa iyang mga abogado nga wala sumala pay supak ang kasamtangang administrasyon sa ilang hangyo apan gilimod kini sa Malacañang.
Mibabag ang Office of the Prosecutor sa ICC, nga nagkanayon nga kinahanglan nga husto ug tukma nga susihon ang mga alegasyon kabahin sa kahimtang sa panglawas ni Duterte.
Ang Office of Public Counsel for Victims nagpakita usab og kabalaka nga basin malangan ang hustisya alang sa mga pamilya sa mga biktima sa giyera kontra iligal nga droga.
