Gikustodiya na sa FBI ang 22-anyos nga suspek sa pagpusil kang Charlie Kirk.
Kini gikumpirma ni FBI Director Kash Patel nga si Tyler Robinson mao ang nailhan nga responsable sa insidente.
Giingon usab nga mao gihapon ang isul-ob sa suspek sa dihang giaresto kini, parehas sa iyang gisul-ob panahon sa pagpamusil.
Gipahayag ni Utah Governor Spenser Cox nga si Robinson dili estudyante sa Utah Valley University, ingon sa unang gituohang impormasyon.
Padayon ang imbestigasyon sa mga otoridad aron masuta ang motibo sa suspek sa pagpatay kang Kirk.
Sumala pa ni Governor Cox, ang pagpusil kang Kirk usa ka pag-atake dili lang kaniya kundi sa ilang tanan.
Dugang pa niya, gipatay si Kirk samtang nagbarug alang sa freedom of expression, usa ka prinsipyong naghatag og gahum sa mga tawo nga ipadayag ang ilang ideya ug magsulti sa gawasnong paagi.
