Nagpahimangno ang Department of Agriculture (DA) nga dili angay gamiton ang umaabot nga 60 ka adlaw nga rice import ban isip basihan sa pagtaas sa presyo sa bigas.
Kini human masuta sa ahensya nga misaka ang presyo sa imported rice gikan ₱43 ngadto sa ₱45 matag kilo.
Sumala pa ni DA Spokesperson ug Assistant Secretary Arnel de Mesa, nga magsugod pa sa bulan sa Setyembre ang import ban, busa walay rason nga magtaas og presyo ang mga retailer.
Gisiguro usab sa opisyal nga igo pa ang suplay sa bugas sa nasud ug adunay mosunod pa nga shipment sa imported rice karong bulana.
Gituohan sab sa DA nga posibleng espekulasyon lamang ug dili kakulangon sa suplay ang hinungdan sa pagtaas sa presyo.
Padayon usab karun ang suporta sa ahensya alang sa mga lokal nga mag-uuma aron matabangan kini makalingkawas sa kalisod.
