-- ADVERTISEMENT --
Gipahimangnoan pag-usab ni Pope Leo XIV nga kinahanglan na nga mahunong ang giyera tali sa Israel ug Hamas, ingon man ang panagbangi sa Russia ug Ukraine.
Sa iyang mensahe atol sa pagtapos sa Misa alang sa Jubilee of Youth sa Vatican, iyahang gihandom ang mga kabatan-onan nga nag-antos tungod sa kagubot sa maong mga nasud.
Nanawagan usab kini sa minilyon ngs kabatan-onan nga mitambong sa misa nga i-ampo ang mga katawhang naapektuhan sa kagubot.
Gidapit usab sa Santo Papa ang mga magtutuo nga motambong sa World Youth Day nga ipahigayon sa Seoul, South Korea, gikan Agosto 3 hangtod 8 sa tuig 2027.
