Gipasigarbo ni Col. Muarip ang mga nahimo sa DCPO kabahin sa upat ka gipasiugdang direktiba sa kapulisan alang sa bulan sa Hulyo 2025.
Sa ilahang walay hunong nga kampanya batok sa iligal nga droga, ang DCPO nakahimo og 138 ka mga anti-drug operations nga misangpot sa pagkadakop sa 172 ka mga indibidwal nga nalambigit sa iligal nga droga ug pagkakumpiska sa gibana-banaan nga 354.5854 gramos sa gituohang shabu, 61.8612 gramos nga marijuana, ug 17 ka ecstasy tablets.
Ang kinatibuk-ang kantidad sa nakumpiskang droga ang mikabat kini sa P2,447,504.
Gipasaka usab sa korte ang 181 ka mga kaso nga adunay kalabotan sa iligal nga droga.
Samtang sa kampanya batok sa iligal nga sugal, ang DCPO nakahimo usab og 50 ka mga operasyon diin 58 ka mga indibidwal ang nadakpan ug P15,062 nga kantidad sa pusta ang nakumpiska.
Ang mga operasyon miresulta sa pagsaka og 50 ka mga kaso sa korte.
Samtang alang usab pagpangdakop sa mga pinagit nga tawo sa atong balaod, ang DCPO nakadakop og 187 ka mga indibidwal, lakip na ang 67 nga giila nga most wanted persons ug 120 pa ka laing wanted nga mga indibidwal.
Samtang sa ilahang kampanya batok sa loose firearms, ang DCPO nakahimo usab og 24 ka mga operasyon nga misangpot sa pagkasikop sa 14 ka mga indibidwal ug pagkakumpiska sa 16 ka mga armas.
Dugang pa sa nahisgutan, unom ka armas ang boluntaryong gisurender, samtang tulo pa ka armas ang giturn-over alang sa safekeeping ubos sa programa nga “Oplan Katok.”
Gipasaka na usab sa korte ang 14 ka mga kaso nga adunay kalabotan sa armas.
