Nagpositibo ang upat ka mga sakop sa Civil Security Unit (CSU) sa LGU Tagum atol sa gihimong drug test kagahapon.
Sumala sa taho gikan sa mga otoridad nga subay sa gipahigayon nga drug testin result, adunay upat ka mga CSU ang miguwa nga nagpositibo sa iligal nga droga.
Sumala pa nga ang upat ka mga wala panganling personahe ang wala nay mabalikan nga trabaho sa City Hall tungod kini ang gipatanggal na ni Mayor Rey Uy.
Nasayran nga adunay 500 ka mga personahe ang gipailawom sa surprise drug test.
Ang gipahigayon nga Substance Abuse Monitoring sa mga CSU mao ang kabahin sa Drug-Free Workplace Program sa dakbayan gipangunahan pinaagi sa City Anti-Drug Abuse Council (CADAC) ug City Human Resources Management Office (CHRMO), City Health Office (CHO) ug PDEA.
