Padayon pa nga gipangita karong panahuna ang usa ka na-missing nga foreman human sa nahitabong pagdahili sa yuta sa Barangay San Ramon, San Ricardo, Southern Leyte kagahapong adlawa (Domingo), Hulyo 13, 2025 tungod sa kusog nga ulan.
Subay sa taho gikan sa Office of Civil Defense (OCD)- Region 8, na-missing ang foreman sa usa ka construction company nga anaa sa maong lugar nagpondo tungod sa gitukod nga proyekto.
Atol sa maong pagdahili sa yuta nga nahitabo pasado alas 12:00 sa kaadlawon, adunay tulo ka mga panimalay ang nadanyos diin apektado ang tulo ka mga pamilya.
Nadanyos usab ang mga kagamitan sa construction company sama sa sakyanan ug uban pa.
Sa pagkakaron, nagpadayon pa ang gihimong search, rescue ang rerieval operation sa mga otoridad.
