Gikonsidera sa Malacañang nga usa ka positibong kalambuan ang pinakabag-ong resulta sa survey nga nagpakita sa pagsaka sa approval rating ni Pangulong Ferdinand Marcos Jr.
Sumala ni Palace Press Officer Claire Castro, nagpasabot kini nga nakita sa publiko ang padayon nga paningkamot ug trabaho sa Pangulo.
Apan giingon usab sa Palasyo nga dili magpapaapekto si Pang. Ferdinand Marcos Jr. sa bisan unsang numero ug padayon lang nga buhaton ang iyang katungdanan.Matod pa ni Castro, dili man angay magsalig lamang sa mga survey ang usa ka lider.
Base sa pinakahuling survey nga gihimo niadtong Hunyo 27 hangtod 30, nakakuha si Pangulong Marcos og 25 porsyentong approval rating para sa ikaduhang quarter, nga mas taas og 19 porsyento kung itandi sa miaging quarter.
Samtang ang iyang disapproval rating mikunhod ngadto sa 47 porsyento gikan sa 57 porsyento.Bisan pa niana, giingon ni Castro nga taas man o ubos ang rating sa Pangulo, padayon gihapon kini sa pagtrabaho ug pagtuman sa iyang katungdanan alang sa nasud.
