Halos P1 milyon nga shabu, nababagan sa checkpoint

Balhog sa bilangguan ang usa ka 30-anyos nga lalaki human nga nakuhaan og iligal nga droga kon shabu atol sa gipahigayon nga check point operation sa mga otoridad.

Subay sa report gikan sa mga otoridad, giila ang dinakpan nga alias Alnor nga residente sa sa Tacurong Sultan Kudarat.

Nakumpiska gikan sa nahisgutan ang 19 ka mga pakete sa iligal nga droga kon shabu nga adunay gibug-aton nga 119 grams ug adunay street value nga nagkantidad og dul-an P900,000.

Nasayran nga nagsakay ang nahisgutan og usa ka Van human nga mipailawom sa Checkpoint sa Sirawan, Toril Dist. ning dakbayan sa Davao.

Sa pagkakaron ang dinakpan ang gikatakda nga pasakahan og kaso nga pagsupak sa RA 9165 nga gikostudiya sa Toril Police Station.