Lakip na sa listahan sa World Boxing Association (WBA) cruiserweight rankings ang YouTuber nga nahimong boksingero nga si Jake Paul.
Base sa pinakabag-ong listahan sa WBA, anaa na siya sa ika-14 nga pwesto nga adunay 12 ka daog, usa ka kapildihan, ug pito ka knockouts sa iyang kinatibuk-ang mga away.
Gipagawas ang ranggo human niyang mapildi si Julio Cesar Chavez Jr. sa unanimous decision niadtong miaging bulan sa Anaheim, California.
Tungod niini, posible na nga makaatubang ni Paul ang WBA cruiserweight champion nga si Gilberto “Zurdo” Ramirez.
Bisan pa wala pa’y pormal nga kasabutan, migawas na ang mga pasumbingay nga gusto ni Paul ang maong duwa, ilabi na sa ilang pagtutokay human sa iyang kadaugan batok kang Chavez.
Ang nag-inusarang kapildihan ni Jake Paul mao kadtong kontra ni Tommy Fury niadtong 2023, nga usa ka seryosong professional boxer.
