Wala gilimod ni World Boxing Council (WBC) fighter Mario Barrios nga siya nakasinati og kakulba sa umalabot nila nga panagsangka ni Pinoy boxing champion Manny Pacquiao.
Matod pa ni Barrios, nga kahibalo siya sa kabantog ni Pacquiao busa gipaninguha niya karon nga mas palig-onon pa ang iyang pagbansay-bansay.
Gipadayag pa sa 30-anyos nga boksidor nga dili niya tugotan nga ang giingong “legendary status” ni Pacquiao ang mopatigbabaw sa ilang away.
Sa bahin sab ni Pacquiao, padayon ang ilang pagbansay nga gihimo ug nagkagrabe na kini samtang nagkadool ang petsa sa duwa.
Si Pacquiao adunay rekord nga 62 ka daog, walo ka kapildihan, ug duha ka draw, diin 39 niini ang knockouts.
Samtang si Barrios, nga usa ka Mexican-American boxer, adunay 29 ka daog, duha ka kapildihan, ug usa ka draw, nga adunay 18 knockouts.
Ang kataposang duwa ni Pacquiao, kaniadto pang 2021 batok kang Yordenis Ugas diin napilde kini.
Ang ilahang panagsangka ipahigayon sa MGM Grand sa Las Vegas karong umalabot nga Hulyo 20.
