Nagpagawas karon ug resulta and kapulisan sa rehiyon Onse kabahin sa surprise dugtest ngadto sa mga personahe niini.Gikumpirma sa Police Regional Office 11 (PRO 11) nga adunay usa ka Non- Uniformed Personnel kon (NUP) sa ilahang han-ay ang migula nga nagpositibo sa pag-gamit sa illegal nga droga atol sa gilusad nga unannounced mandatory drug test.
Kahinumduman nga gipailawom sa maong drug test ang 709 personnel sa PRO 11 headquarters diin usa (1) sa 204 NUPs nga gi-drugtest ang nag-positibo sa confirmatory test.
Sumala pa sa pamunuan sa kapulisan nga aduna nay tukmang administratibo ug legal nga aksyon ang gilusad subay sa kasamtangang mga polisiya ug regulasyon sa PNP.
Giklaro sab sa PRO-XI nga walay nagpositibo gikan sa Police Commissioned Officers (PCO) ug Police Non-Commissioned Officers (PNCO).
Samtang, padayon ang lig-on nga suporta sa PRO-XI ngadto sa PNP’s Internal Cleansing Program ingon man ang padayon nga striktong pag-monitor ug disciplinary nga aksyon.
