Mas gipakusgan pa karon sa Department of Transportation (DOTr) ang ilahang kampanya batok sa mga online license fixers ug sa mga driving schools nga dili mosunod sa mga lagda.
Sumala sa DOTr, kapin sa 100 ka mga driving schools na ang ilahang gipasirado sulod sa milabay nga duha ka semana.Tungod niini nga lakang, tumong sa ahensya nga mapadali ug mapatuman ang hapsay nga proseso sa pagkuha og driver’s license sa publiko.
Aduna silay mga pagabag-uhon sa sistema aron malikayan ang korapsyon ug mapadasig ang mga aplikante nga mosunod sa tukmang proseso.Gipunting sa DOTr nga ang balik-balik nga proseso ug nanghinubrang mga requirements mao’y hinungdan nganong daghan ang nagadangop sa mga fixer.
Gisaad usab sa DOTr nga padayon silang molihok aron dakpon ang mga indibidwal ug mga institusyon sama sa mga clinic, testing centers, ug driving schools nga nalambigit sa ilegal nga kalihokan.
