Nakurat ang mga residente nga namuyo duol sa kalsada human sa usa ka brutal nga hit-and-run nga nahitabo sa kanto sa Porras Street ug Loyola Street sa Barangay Obrero, ning dakbayan sa Davao. Usa ka motorsiklo ang giigo og kusog sa SUV, nga wala gyud mihunong human sa insidente.
Gi-report nga nalabay pa og nadaro ang motorsiklo sa maong sakyanan samtang nagpadayon kini og dagan. Naangol pag-ayo ang drayber sa motorsiklo, nga naputlan sa iyang tuo nga tiil tungod sa kakusog sa bangga. Samtang ang iyang kauban nga backride usab naangol ug gipasanginlang adunay grabeng samad. Gani, ang mga biktima daliang gihatod sa duol nga balay tambalanan aron mahatagan og medikal nga pagtagad.
Sa pagkakaron, padayon pa ang imbestigasyon sa mga otoridad aron masuta ang plaka ug tag-iya sa SUV human sa aksidente. Giawhag sab sa mga otoridad ang mga nanagiya ug sakyanan nga mag amping kanunay sa pagpadagan ug sakyanan sa kadalanan aron malikayan ang susamang panghitabo.
