Gibarugan sa mga tagdumala sa pinakaunang glass floor cable car sa Mindanao nga luwas kini ug andam sakyan sa mga turista nga mobisita sa Kapatagan, Digos City, Davao del Sur. Gipasalig sa management nga ilang gipasiugdahan ang tanang lakang aron masiguro ang kahimtang sa kaluwasan sa matag byahe.
Sumala sa hingtungdan, ilang giila nga adunay mga bisita nga nahadlok sa pagsulay niini tungod sa kahadlok sa taas ug sa pagkabahin sa salog. Apan giingon sa operator nga sukad sa pagsugod sa operasyon niadtong Disyembre 2024, nagpadayon ang inspeksyon ug monitoring sa usa ka third-party inspector company aron masiguro nga masaligan ang pasilidad.
Ang cable car nga adunay 400 hangtod 500 ka metro ang gilay-on sa kable ug 50 hangtod 60 ka tiil ang gitas-on, makaapasakay og 4 hangtod 6 ka pasahero matag byahe. Gihagit sa management ang publiko nga sulayan ang maong kasinatian nga luwas, lahi, ug makahatag og kahinam sa adventure tourism sa rehiyon.
