Gikumpirma sa Malacañang nga paimbestigahan ni Pangulong Ferdinand Marcos Jr. ang mga reklamo sa mga kostumer batok sa kompanyang PrimeWater tungod sa giingong taas nga bayrunon ug ubos nga kalidad sa serbisyo sa pipila ka lugar sa Bulacan.
Sumala ni Palace Press Officer Undersecretary Claire Castro, walay lugar sa administrasyon ni Marcos Jr. ang bisan unsang kakulangan sa serbisyo.
Gibutyag sa Palasyo nga katungod sa publiko ang pag-access sa limpyo ug igo nga suplay sa tubig, ug dili kini angay gamiton isip negosyo lamang.
Matod pa ni Castro, ang panginahanglanon sa katawhan sa limpyo ug igo nga tubig usa ka nag-unang katungod ug dili lamang angay nga tan-awon isip kakuhaan ug income, kondili serbisyong angay nga makatabang alang sa katawhan.
Ang PrimeWater usa ka kompanya nga gipanag-iyahan sa pamilyang Villar.
Gidugang ni Castro nga ang kompaniya kinahanglan molihok gilayon aron sulbaron ang mga isyu nga giatubang sa ilaahang mga kostumer nga naapektuhan.
” Unang-una po, sinabi po natin na ang kakulangan sa serbisyo ay walang puwang sa administrasyon ni Pangulong Marcos Jr. Ang pangangailangan po ng tao sa malinis na tubig, sapat na supply ng tubig ay dapat lang pong nararapat ay hindi pangnegosyo lamang kung hindi ito ay dapat na kinakalinga ang pangangailangan ng taumbayan. Mag-uutos po ang Pangulo para maimbestigahan po ito,” pahayag ni USec. Castro.
