Nagboto kagahapong adlawa, Abril 29, 2025, ang mga sakop sa Task Force Davao (TF-Davao) ilawom sa Local Absentee Voting (LAV) nga gipahigayon mismo sa ilang punong buhatan sa Santa Ana Wharf, Barangay Leon Garcia, Davao City. Ang pagboto gihimo aron matugotan ang mga sundalo nga makapadayon sa ilang serbisyo bisan pa sa umaabot nga May 12 midterm elections.
Gisuportahan ug gi-dumala sa mga opisyal sa Commission on Elections (COMELEC) ang maong proseso aron masiguro ang pagkamatinud-anon ug kasaligan sa pagboto. Ang LAV usa ka pamaagi nga nagtugot sa mga personnel sa security ug public service sectors nga dili makaboto sa adlaw sa eleksyon tungod sa ilang duty assignments.
Pinaagi sa ilang partisipasyon sa Local Absentee Voting, nagpanghimatuud ang mga sundalo sa ilang katungdanan isip mga botante ug mga tigdumala sa seguridad. Kini nagpamatuod nga ang ilang serbisyo para sa katawhan dili babag sa ilang katungod sa pagboto alang sa tinuod nga demokratikong proseso.
