Magpatigayon ang International Criminal Court (ICC) og husay kang kanhi Presidente Rodrigo Duterte pinaagi sa tag-usa ka oras nga hearing blocks, nga adunay 30 minutos nga pahulay tali sa matag sesyon.
Gikonsiderar sa korte ang edad ug kahimtang sa panglawas sa kanhi presidente.
Atol sa ikalimang status conference niadtong Nobyembre 2, gipahayag ni Presiding Judge Joanna Korner nga sundon sa korte ang rekomendasyon sa mga medical expert nga bahinon sa mas mugbong mga sesyon ang paglilitis.
Magsugod ang mga pagdungog sa alas-5:00 sa hapon, oras sa Pilipinas, ug matapos sa alas-11:00 sa gabii, lakip na ang mga gitakdang pahulay.
Kahinumdoman nga niadtong Oktubre, gideklarar sa ICC nga angay nang moatubang sa husay si Duterte human susihon sa mga medical expert ang iyang abilidad sa pagsabot sa mga kaso batok kaniya, pagsubay sa mga ebidensya ug pagpakigsabot sa iyang mga abogado.
Apan, mahimo pang usbon ang iskedyul samtang nagpadayon ang pagtaral.Nag-atubang si Duterte og tulo ka kaso sa crimes against humanity nga may kalabotan sa giingong pagpatay ug pagsulay sa pagpatay ubos sa iyang kampanya batok sa ilegal nga droga gikan Nobyembre 2011 hangtod Marso 2019.
Gikatakdang magsugod ang iyang paglilitis sa Nobyembre 30.
