Giandam na ang kapin 3,000 ka job vacancies alang sa umaabot nga Labor Day Job Fair karong Mayo 1, 2025, nga gipangulohan sa Department of Labor and Employment (DOLE)–Davao Region.
Gitumong ang aktibidad aron hatagan og higayon ang mga Dabawenyo nga makaplagan og bag-ong trabaho, ilabi na sa pagsaulog sa adlaw sa mga mamumuo.
Gihangyo sa Davao City Public Employment and Services Office (PESO) ang mga Dabawenyo nga magpa-preregister ug moapil sa maong kalihokan.
Sumala kang PESO Head Lilibeth Pantinople, andam na ang ilang buhatan sa pagdumala sa registration ug validation areas sa venue.
Gisulti usab ni Pantinople nga 45 ka kompanya ang moapil sa Job Fair, diin siyam niini nagrepresentar sa overseas employment.
Gilauman nga daghang aplikante ang makabenepisyo ug makakuha og oportunidad nga makatrabaho sa lokal ug internasyonal.
