-- ADVERTISEMENT --
Misaka ang residential electricity rate sa Davao Light and Power Company karong Abril og P0.9492 matag kilowatt hour (kWh). Gikan sa P8.6022/kWh sa miaging buwan, ang bag-ong rate karon mosaka na og P9.5514/kWh.
Ang maong adjustment ipatuman sa mga billing period sugod Abril 11 hangtod Mayo 11, 2025.
Gani, ang pagtaas sa bayranan sa kuryente resulta sa mas taas nga presyo sa suplay sa kuryente nga gipalit sa Davao Light gikan sa Wholesale Electricity Spot Market (WESM), diin kuhaon ang bahin sa ilang power supply requirement.
Tungod niini, gi-awhag sa Davao Light ang mga konsumidor nga magmatngon ug magtipid sa paggamit sa kuryente, hilabi na karon nga grabi ang kainit sa panahon.
-- ADVERTISEMENT --
