Gipahayag sa Philippine Coconut Authority (PCA) nga mikunhod ug 20% ang produksyon sa lubi sa nasud karong tuiga, gumikan sa ting-init niadtong unang bahin sa 2023 ug sunod-sunod nga bagyo sa katapusang bahin sa tuig.
Naapektuhan usab ang produksyon sa coconut oil ug mikunhod kini sa 15%. Bisan paman nga adunay pagkunhod, nagpabiling ikaduha ang Pilipinas sa pinakadakong producer sa lubi sa tibuok kalibutan, ug dili lamang ang nasud ang nakasinati ug kakulang, gumikan kay apektado usab ang suplay sa kalibutan sa mga vegetable oil.
Isip tubag niini, gisugyot sa PCA ang halapad nga pagpananom ug replanting sa lubi. Tumong karon sa kasamtangang administrasyon nga makatanom ug mukabat sa 100 milyong lubi kung diin 8.5 milyon ang natanom na niadtong milabay nga tuig ug 25 milyon pa ang target ning kasamtangang tuig 2025.
