Gibarugan sa Office of the Solicitor General (OSG) nga walay ligal nga obligasyon ang Pilipinas aron makigtambayayong ug ilhon ang proseso sa International Criminal Court (ICC) tungod kay migawas na ang nasud sa Rome Statute niadtong 2019.
Dugang pa sa maong ahensya, walay hurisdiksyon usab ang ICC sa Pilipinas ilabi na kay naglihok man ang sistema sa hustisya sa nasud.
Tungod niini, dili matabangan sa OSG ang mga respondents nga responsable sa pag-aresto kang kanhi Presidente Rodrigo Duterte.
Gibutyag usab sa OSG nga wala sila nalambigit sa petisyon alang sa habeas corpus nga gisang-at sa kampo sa kanhing pangulo sa Korte Suprema, nga nagtumong sa pagpangutana sa legalidad sa iyang pag-aresto ug pagpreso.
Samtang sa laing bahin, magpabilin gihapon sa iyang pwesto si Solicitor General Menardo Guevarra bisan pa sa mga panawagang mopakig-alayon na kini kang kanhi Pangulong Rodrigo Duterte, human niyang gibalibaran ang pagpahamtang isip representante sa Korte Suprema aron tubagon ang writ of habeas corpus nga gisang-at sa mga anak sa kanhi pangulo.
