-- ADVERTISEMENT --
Gi-aresto sa mga opisyal sa US Immigration si Mahmoud Khalil, usa sa mga lider sa protesta sa Columbia University batok sa gubat sa Gaza.
Kini nahitabo human sa pasalig ni US President Donald Trump nga ipapahawa ang mga langyaw nga estudyante nga nagpakita og suporta sa mga pro-Palestinian demonstrasyon.
Sumala sa Department of Homeland Security (DHS), ang pagdakop kang Khalil kabahin sa ilang suporta sa executive order ni Trump nga nagbabag sa anti-Semitism.
Ang Student Workers of Columbia Union mitumbok nga si Khalil usa ka Palestinian recent graduate ug usa sa mga nanguna sa Gaza solidarity encampment sa unibersidad.
Gikondena sa daghang grupo ang pag-aresto, ug liboan na ang mipirma sa usa ka petisyon alang sa iyang pagpagawas.
-- ADVERTISEMENT --
