Gikumpirma ni LT.Col. Salvacion Evangelista,ang tigpamaba sa Eastern Mindanao Command,Philippine Army nga nakaplagan na ang nahagsa nga FA-50 Fighter Jet sa Mount Kalatungan sa Pangantucan Bukidnon. Sumala pa sa opisyal nga nakaplagan na usab ang duha ka mga sundalo nga sakay sa maong eroplano nga wala nay kinabuhi nga anaa sa pipila ka metros lamang gikan sa crash site.Sa pagkakaron nagpahiagyon ang gihimong imbistigasyon sa mga otoridad kabahin sa maong panghitabo.
Kahinumduman nga kalit lamang nahanaw ang usa ka FA-50 fighter jet sa Philippine Air Force (PAF) sa radar samtang naglupad sa usa ka tactical night operation kagahapon sa kaadlawon. Sumala ni PAF spokesperson Col. Maria Consuelo Castillo, ang eroplano nga adunay duha ka piloto padulong unta kini sa Mactan Airbase sa Cebu apan nawad-an og komunikasyon sa kaubanang eroplano sulod sa pipila ka minuto sa wala pa kini makaabot sa target area.
Nasayran nga ang Philippine Air Force ang adunay 11 pa ka ma FA-50 fighter jet nga nahabilin sa ilahang arsenal, human kini mapalit gikan sa Korea Aerospace Industries atol sa administrasyon ni kanhi Presidente Benigno “Noynoy” Aquino Jr. sa kantidad nga P18.9 bilyon
