DAVAO REGION- Gitay-og sa 5.4 magnitude nga linog ang munisipalidad sa Matanao Davao Del Sur kaganihang buntag.
Subay sa datos nga gipaguwa sa Phivolcs, alas 9:42 kaganihang buntag natigayon ang pagtay-og sa Dos kilometros sa kasagpan nga bahin sa Matanao Davao Del Sur nga adunay gilawomon nga Diyes kilometros. Tectonic ang hinungdan sa pagtay-og, nga nasinati-an usab sa ubang mga lugar sa Mindanao.
Gumikan sa maong pagtay-og nasinati-an ang Instrumental Intensities sa mga mosunod nga mga lugar;
Intensity V – Matanao, ug Magsaysay, Davao Del Sur
Intensity IV – Kidapawan City, Malungon, Saranggani, Tampakan, ug Tupi, South Cotabato
Intensity III – Magpet, Davao City, General Santos City, ug Banga, South Cotabato; President Quirino, ug Columbio, sa Sultan Kudarat
Intensity II – Pikit, South Cotabato, Jose Abad Santos, Davao Occidental; Kiamba, Saranggani; Suralla, Norala, Santo Nino, ug T’Boli, South Cotabato; Lambayong, ug Isulan sa Sultan Kudarat
Intensity I – Don Marcelino, Davao Occidental; Nabunturan sa Davao De Oro; Lake Sebu, sa South Cotabato, Esperanza, Kalamansig, ug Bagumbayan sa Sultan Kudarat.
Samtang gikumpirma sa Davao del sur Electric Cooperative (DASURECO) nga pipila sa mga dapit sa Davao del sur ug Davao Occidental ang nawad-an ug kuryente gumikan sa nasinatiang linog alas 9:45 kaganinang buntag.
Adunay nakuhang video nga nagsiga ang linya sa kuryente sa usa ka poste nga anaa sa tungod sa panimalay human sa maong pagtay-og sa yuta.
Samtang ang nahisgutang mga dapit nga naapektuhan sa pagkaputol sa suplay sa kuryente mao ang Hagonoy, Padada, Kiblawan, Sulop, Malalag ug Sta. Maria.
Hinuon sa pagka karon nagpadayon pa ang gihimong pag-ayo sa mga nadanyos nga linya sa kuryente aron mabalik sa labing madali nga panahon ang supply sa kuryente sa nahisgutang mga dapit.
