Gibinlan sa dili muubos nga 37 ka tawo ang mga namatay sa pagbangga sa duha ka pasayroan nga bus sa usa ka highway sa southern part sa Bolivia diin, nahilakip niini ang walo ka menor de edad.
Sumala sa report sa kapolisan, nga mao kini ang labing grabe nga aksidente sa bus sa nasud karong tuiga.
Samtang, gidala usab ang 41 nga mga angol sa ospital.
Nahilakip sa mga namatay ang lima ka langyaw nga Peruvians ug ang 3-anyos nga batang babaye nga taga German ug adunay pito usab nga uban pang menor de edad ang nahilakip sa mga namatay.
Subay sa report sa mga otoridad nahibato ang maong disgrasya sa sayu sa kabuntagon sa Bolivia sa usa ka gamay nga dalan samtang padulong ang byahe niini sa Oruro, kung diin gipahigayon usab ang Oruro Carnival.
Sumala pa sa prosecutor nga si Gonzalo Aparicio, nga ang driver sumala pa sa usa sa mga bus ang lango sa ilimnong makahubog ug kusog sumala pa nga nagpadagan sa maong bus hinungdan nga nag-overshoot kini sa pikas linya nga miresulta sa kusog nga pagbangga sa kasugat niini nga bus.
Dali usab nga gikopirma sa usa ka opisyal nga ang usa sa mga nakalingkawas nga driver sumala pa baho og ilimnon nga maka-hubog maong nagpahigayon ang otoridad og blood test.
Samtang, nailhan usab nga delikado ang mga winding mountain roads sa Bolivia, nga kanunay na sumala pa nga adunay mga mahitabo nga insidente.
Sumala pa sa datos sa gobyerno, nga mokapin 1,400 na katao ang namatay gumikan sa mga panghitabo sa kalsada.
Matud usab sa report sa kapolisan, nga ayha paman ang insidente, anaa na usab 64 ka tao ang namatay nga gikalambigitan usab sa usa pa ka road accident sa lugar sa Potosi karong tuiga.
Sa usa pa ka aksidente sa Bolivia, diin dili muobos usab sa 30 katao ang namatay gumikan sa pagkulob sa usa ka bus sa usa ka 800-meter-deep ravine.
Ang aksidente nahitabo sa usa ka gamay nga dalan sa tunga sa mga syudad sa Potosi ug Oruro, apan, wala usab gitanggal sa mga otoridad ang mga posibilidad nga ang aksidente gumikan sumala pa sa kusog nga pagpadagan sa mga driver sa bus.
Kaniadtong Enero, usa ka aksidente sa bus ang nahitabo nga miresulta sa pagkamatay sa 19 ka tao nga gikan sa kalsada doul usab sa Potosi.
