Gibuhi-an na sa militanteng Hamas ang tulo ka mga bihag niini nga mga Israeli gikan sa Khan Younis sa Gaza ug gi-turn over sa Red Cross ug dayun gidala ang mga nahisgutan sa Israeli Army sa ubang lokasyon sa Gaza.
Ang Israeli military usab ang midala sa mga gibuhi-ang Israelis padulong sa Israel.
Nahilakip sa mga gibuhi-ang Israeli hostages mao si Alexander Troufanov, Yair Horn ug Sagui Dekel-Chen.
Ang pagbuhi sa mga Israeli hostages ang bugti sa pagpagawas usab sa mosobra sa 360 ka mga Palestine prisoners nga nabilanggo sa mga bilanggo-an sa Israel.
Kahinumduman, nga unang nagbahad ang Hamas nga dili niini buhi-an ang mga bihag nga Israeli, gumikan kuno sa pagsupak sa Israel sa ceasefire deal.
Nagbahad usab ang Israel nga kung dili buhi-an ang mga bihag, ipadayon niini ang pagpangataki sa Gaza.
