Paggakos sa kahoy sa mga walay ka-date, gisugyot sa DENR

Adunay sugyot ang Department of Environment and Natural Resources (DENR) sa mga walay ka-date sa Adlaw sa mga Kasingkasing ug kini mao ang pagakos na lamang sa puno-an.

Matod pa sa DENR, migawas sa pagtuon nga mupataas sa pagahin ug oras sa mga puno-an ang oxytocin levels, ang hormone nga muhatag ug pagpakalma ug emotional wellbeing sa tawo.

Gipahayag pa sa DENR Forest Management Bureau, ang pagakos sa puno-an ug ang pagahin ug oras palibot sa kahoy, ang makahimo sa pagpa-ubos sa blood pressure and heart rates, improve immunity ug makapaubos sa stress ug anxiety levels.

Gipahayag pa sa DENR, walay partikular nga puno-an ang angay gakson gumikan kay susama kining adunay benepisyo.