Magpahigayon ang naval ug air units gikan sa Pilipinas, Canada, ug Estados Unidos og 7th Multilateral Maritime Cooperative Activity (MMCA) sulod sa Exclusive Economic Zone (EEZ) sa Pilipinas.
Gilauman nga ang ehersisyo makapauswag sa kooperasyon ug interoperability sa mga partisipante nga pwersa, pagpalig-on sa kalig-on sa rehiyon, ug pagtuboy sa mga prinsipyo sa usa ka gawasnon ug abli nga Indo-Pacific.
Sumala pa ni Armed Forces of the Philippines (AFP) Chief Gen. Romeo Brawner Jr., nga ang maong ehersisyo nagpakita sa maayong intensiyon sa mga partisipante nga nasud aron mas mapalig-on pa ang kooperasyon sa matag nasud subay sa internasyonal nga balaod.
Gihisgutan usab ni Brawner nga ang MMCA nagpasiugda og tumong sa pagpanalipod sa katungod sa kagawasan sa paglawig, overflight, ug maritime, sumala sa mga prinsipyo sa United Nations Convention on the Law of the Sea (UNCLOS).
Ang 7th MMCA nagsunod sa miaging mga ehersisyo sa rehiyon, diin ang 1st MMCA nagsugod kaniadtong Abril 2024, ug gisundan sa mga bulan sa Hunyo, Agosto, Setyembre, ug Disyembre sa susama nga tuig.
Samtang, ang 6th MMCA gipahigayon kaniadtong Pebrero 5 ning tuiga, ug ang kasamtangan nga ehersisyo gihimo sa West Philippine Sea (WPS), ilabi na sa sulod sa joint operational area sa Northern Luzon Command (NOLCOM).
Samtang, gikompirma usab ni AFP Public Affairs Office Chief Col. Xerxes Trinidad, nga nagpadayon ang mga ehersisyo apan nagdumili kini sa paghatag og mga detalye bahin sa mga unit ug uban pang mga partisipante alang usab sa seguridad.
