Nagbahad si Israeli Prime Minister Benjamin Netanyahu, nga ipadayon niini ang giyera sa Gaza kung dili buhi-an sa Hamas ang mga gipangbihag niini.
Kini ang nahimo nga reaksyon sa Israeli Prime Minister sa nahimong pahayag sa Hamas nga ihunong niini ang pagbuhi sa mga bihag gumikan sumala pa sa gihimo nga pagsupak sa Israel sa ceasefire deal.
Dugang pa ni Netanyahu, nga sa higayong dili mabuhi-an ang mga gipangbihag hangtod sa adlawng Sabado nga mao ang katapusan sa unang bahin sa ceasefire, dili magduha-duha ang Israel nga ipadayon ang giyera.
Dili sumala pa muhong ang Israel nga sulungon ang kampo sa mga Hamas hangtod nga dili kini mahurot.
Samtang, pipila sa mga pagsupak nga gihisgutan sa Hamas mao ang padayon nga pagpangataki sa Israel sa Gaza, ang wala pagsugot nga makasulod ang 600 ka mga aid trucks, ang wala pagtugot sa 200,000 tents nga pagatukuron ug ang wala pagtuman nga gikinahanglan nga adunay 50 ka mga pasyente ang dalaon sa hospital matag adlaw.
Gibabagan usab sumala pa sa Israel ang mga heavy equipment nga mao ang muayo sa mga nangagubang building sa Gaza.
