Nasigpatan ang anaa sa 6 ka Chinese balloon duol sa Taiwan ning Pebrero 7.
Kini taliwa sa padayon nga military pressure sa Beijing sa naasoy nga isla diin gipangangkon nga lakip sa ilang teritoryo.
Sumala sa Taiwanese Defense Ministry, 6 ka Chinese balloon ang nakita sulod sa 24 oras hangtod alas 6 sa buntag sa Taiwan. Gawas niini, 9 ka Chinese military aircraft, 6 warships ug 2 official Chinese ships ang na-detect sa samang panahon duol sa Taiwan.
Bisan tuod ang maong mga Chinese balloon kanunay nga makita sa katubigan duol sa Taiwan, ang pinakabag-o nga cluster sa Chinese balloon mao ang usa sa pinakadako nga natala sukad.
Matud sa opisyal sa US, nga ang balloon makahimo sa pagkolekta sa electronic intelligence gikan sa mga lugar sa militar diin kini gipalupad ug ipadala ang datos balik sa China.
Bisan pa, giklaro sa Chinese Foreign Ministry nga ang balloon kay gigamit alang sa meteorological purposes ug adunay limitado nga abilidad sa pagmaneho sa kaugalingon.
