Blackpink member nga si Jisoo, gianunsyo ang pagbisita sa Pilipinas

Gianunsyo sa Blackpink member nga si Jisoo nga mopaingon kini sa Pilipinas.

Sumala sa iyang ahensya nga Blisoo, ang 30-anyos nga si Jisoo magpahigayon og fan meet nga gitawag og “Lights, Love, Action” sa tibuok Asia.

Apan, wala pa gihatag ang mga detalye kalabot sa petsa o presyo sa ticket sa maong fan meet.

Ang maong tour isip suporta sa debut song ni Jisoo nga “Amortage” nga ipagawas karong Pebrero 14.

Gikatahong una nga modunggo si Jisoo sa nasud ug mobiyahe paingon sa Bangkok, Tokyo, Macau, Taipei, Hong Kong, ug Hanoi.

Katapusan nga mibisita si Jisoo sa nasud kaniadtong 2023 alang sa “Born Pink” concert sa Blackpink nga gipahigayon sa Philippine Arena ug sa susama nga tuig usab niini gipagawas ang iyang solo album nga “Me”.