Hingpit nga ginaduso karun sa Department of Information and Communications Technology ang pagtuon sa ‘cyber hygiene’ dili lamang sa publiko, kundi lakip na ang mga kabatan-unan.
Kini maoy ilahang ginainsister nga mahibal-an sa kadaghanan aron nga mamahimong mag-amping kini sa matag transaksyon ug uban pa nga mga ginabuhat online nga ginakahadlokan gumikan adunay dala nga hulga sa usa ka indibidwal.
Gipaklaro mismo ni Secretary Ivan John Uy, sa Department of Information and Communications Technology (DICT) nga kinahanglang mahibal-an na gilayon kini sa usa ka bata og paunsa ampingan ang kaugalingon sa panahon nga kini makagamit na og smartphone.
Pagpaklaro pa sa kalihim sa maong ahensya, nga ang cyber hygiene mao’y dili lamang naglangkob sa technical skill, apan ginatumbok usab niini ang usa ka life-skill nga mahinungdanong matudlo ngadto sa mga kabatan-onan.
Kini maoy dungan usab sa ginalaumang pagdagsa sa mga matalang kaso nga adunay kalambigitan sa love scams nga mabiktima sa mga mangingilad.
Pahimangno karun ngadto sa publiko nga kinahanglan nga magmaigmat aron nga malikay kini sa mga dautang aktibidad online.
