DAVAO CITY- Padayon karong nagapa-alim sa balay tambalanan ang usa ka security guard human kining nadunggaban kaganihang alas 10 sa buntag sa Purok 4, Lubogan, Toril ning dakbayan sa davao .
Subay sa report sa kapulisan, naila ang biktima nga si CHRISTOPHER, 33- anyos ug residente sa Purok 3, Lubogan, Toril, Davao City.
Samtang giila ang suspetsado nga si EDDIE, 37-anyos usa ka traysikol driver nga residente sa Purok 6, Saypon, Crossing Bayabas, Toril ning susamang syudad.
Sumala pa sa usa sa nakasaksi sa maong panghitabo nga kalit na lamang nga miduol ang suspetsado ug gidunggab sa likod nga bahin ang biktima ang ikadugang higayon.
Human sa gihimo niining pagpanunggab, boluntaryo usab nga missurender ang nahisgutang suspetsado ngadto sa mga kapulisan.
Sumala pa sa suspetado nga nabuhat niini ang maong krimen gumikan nahibal-an niining kabit sa misis niini ang maong security guard.
Pagsaysay pa sa suspek nga dugay na niining namatikdan ang relasyon sa iyahang misis ug sa maong sekyu ug gani nakabasa pa kani conversation sa duruha.
Sa pagkakaron, anaa na sa kwerpo sa kapulisan ang maong suspetsado ug ginahan-ay na ang kasong ipasaka batok kaniya.
