Balhog ang usa ka 28-anyos nga babae human nga nadakpan sa gilusad nga drug buybust operation sa mga operatiba sa San Pedro PNP pasado alas kuatro sa hapon.
Subay sa report gikan sa kapulisan, giila ang dinakpan nga si alyas “Aileen,” residente sa Purok Dos, Acacia Jacinto Extension, Brgy.32-D ning dakbayan sa Davao.
Nakumpiska sa dinakpan ang pito ka mga pakete sa iligal nga droga kon shabu nga adunay kantidad nga P9,860. Sa karon ang dinakpan ang anaa na sa kostudiya sa kapulisan samtang pasakahan karong adlawa og kasong pagsupak sa RA 9165.
Samtang sa laing bahin, dakpan usab sa gikasa nga drug buybust operation sa Talomo PNP ang usa ka 42-anyos nga residente sa SGR, Brgy. Catalunan Grande ning syudad.
Giila ang dinakpan nga si alyas Giovanni, diin nakumpiska kaniya ang mga pakete sa iligal nga droga kon shabu nga mobalor sa P11,424 nga standard drug price.
Sa karon ang dinakpan ang anaa na sa kostudiya sa kapulisan ug pasakahan usab karong adlawa sa piskalya ug kasong pagsupak sa RA 9165.
