Gitambagan ni Davao City Mayor Sebastian Baste Duterte ang mga tawo, nga kinahanglan gayud nga dawaton ang ayuda nga ginapanghatag sa mga pulitika, ugaling makadawat na kini.
Gipaklaro sa mayor nga ang maong mga ayuda nga ginagamit sa mga politiko, maoy gikan sa kwarta sa katawhan, busa katungod lamang sab sa mga tawo nga dawaton ang maong ayuda gumikan, gikan ra gihapon sumala pa kana sa hinaguan sa katawhan.
Gisaway sab ni Baste ang pipila ka mga politiko nga nagabuhat og susama nianang buhatan, diin ginagamit ang kwarta sa katawhan pinaagi sa paghatag og ayuda nga adunay dagway sa politika, aron nga makamugna matud pa og utang-boot ang mga tawo nga mudawat sa maong hinabang.
Lakip sab sa gisaway sa Mayor ang mga pipila ka mga kanhing kaalyado ug kapartido pa niini kaniadto sa Hugpong sa Tawong Lungsod, nga wala sumala pa kini baruganan, gumikan gikanayon sa mayor nga mailhan gayud sumala pa ang si kinsa ang tinuod niining mga higala, hilabi na sa hisgutanan politika.
