Daghang mga netizen ang mipadayag sa ilahang mga nagkadaiyang reaksyon sa usa ka mikatag nga hulagway sa usa ka National Director for Miss Universe Democratic Republic of Congo nga si Anado Kabika, gumikan matud pa sa suot niining usa ka gown nga ginama sa condoms.
Atol sa gipahigayong coronation night sa Miss Universe 2024 sa Mexico niadtong nakalabayng adlaw, gikanayon niini nga iyaha matud pa kining gituyo aron nga makakuha kini og atensyon sa mga tawo labot sa “Sexual Health Awareness and Social Responsibility.”
Gidugang ni Kabika nga kinahanglan matud pang protektahan sa katawhan ang ilahang mga kaugalingon pinaagi sa paggamit og condom og ugaling makighilawas na kini.
Ginasuportahan sab kini sa daghang netizens ang nahimong art matud pa ni Kabika rason nga gaawhag sab kini ngadto sa kadaghanan, nga mahimong manggialamon aron nga malikayan ang mga balatian nga makuha sa pakighilawas.
Gibutyag ni Kabika nga gisagol na niya ang mga ginamit ug wala pa magamit nga condoms sa pagmugna niini nga gown.
Hinuon, dakong tabang ang condoms aron maproteksyonan ang usa ka indibidwal, apan ang mas labaw nga makatabang, mao ang abstinence ug paglikay sa pakighilawas with multiple partners.
