Gitataw ni Vice President Sara Duterte nga wala matud pa niya ginapugngan ang mga opisyales niini sa OVP nga mutambong sa mga pagdungog sa kamara.
Sumala pa ni Duterte, nga usa matud pa kana ka personal nga desisyon og ugaling aduna silay madawatan nga imbitasyon gikan sa kamara. Sigon pa niini, nga sa pagkakarun, case-to-case basis matud pa sila.
Dugang pa niini nga kinahanglan sab sumala pa nga pahibal-on silang daan aron nga makabalo sab sila og aduna pa ba silay mahatag nga tabang ngadto sa mga opisyales niini sa OVP nga nalakip sa imbitasyon sa Kamara.
Kahinumdumang, giatubang ni Atty. Zuleika Lopez, ang chief-of-staff sa congressional hearing niadtong nakalabayang adlaw, diin gi-cite in contempt kini sa way lipod-lipod ni ACT Teacher Party-list Rep. France Castro, gumikan matud pa sa usa ka sulat sa OVP ngadto sa Commission on Audit (COA) nga dili matud pa i-release ang confidential funds reports ngadto sa mga kongresista, diin makita ang pirma sa maong chief-of-staff.
Samtang, nagpahayag usab si 1-Rider Partylist Rep. Rogue Gutierrez, nga dili matud pa “fair” ang nahimong pamahayag ni VP Sara nga ginalutos matud pa kini sa mga magbabalaod aron nga mutambong sa pagdungog sa Kamara, diin ginaimbistigahan niini ang mali sumala pa nga paggasto sa confidential funds sa OVP usa DepEd.
