DAVAO REGION- Kabsan gilayon ang duha ka mga biktima sa pagpanunggab gumikan sa pagromentado sa usa ka 67-anyos Barangay San Ignacio, Manay, Davao Oriental pasado alas singko sa buntag.
Naila ang mga biktima nga sila Alonzo Narvas 59 anyos nga naka-angkon og samad dinunggaban sa dughan, panga ug kamot, samtang kabsan usab sa kinabuhi si Boy Similatan, usa ka senior citizen nga naka-angkon og samad dinunggaban sa iyahang tiyan.
Subay sa imbistigasyon sa kapulisan nakalalis sumala pa sa suspect nga si Pedrito Mangopot ang iyahang asawa, dayon migawas kini ug didto na niya gipangduggab ang iyahang makit-ang silingan nga iyaha ra usab nga suod nga higala.
Samtang ang mga nasamdan mao sila Luz Artiaga, 53 anyos nga naka-angkon og samad dinunggaban sa wala nga bahin sa iyahang bukton,Jeric Redilla, 20 anyos, ulitawo, nga naka-angkon og samad-dinunggaban sa too nga bahin sa iyahang bukton ug natapsingan sa wala nga bahin sa iyahang hawak ingon si Gabriel Suerte nga nabiktima usab a suspek.
Sa karon anaa sa kritikal nga kondisyon si Romeo Balderas nga padayon ang pagmonitor sa mga doctor sa Regional Hospital sa Tagum City.
Nasayran nga gikan na sa hospital ang suspek gumikan sumala mental illness.
Sa karon anaa na sa kostudiya sa kapulisan ang suspetsado ug gikatakda nga pasakahan ug tukmang kaso
