Mukabat na sa 16 ang patay sa Hurricane Milton, matod pa sa mga opisyal sa Florida.
Anaa sa unom ka tawo ang patay sa St. Lucie County, 4 sa Volusia County, 2 sa Pinellas County ug tag-usa sa Hillsborough, polk, Orange ug Citrus counties.
Samtang mosobra sa duha ka milyong pinuy-anan ug negosyo ang nawad-an ug suplay sa kuryente, homan gipahagsa sa hurricane ang pipila ka linya sa kuryente samtang pipila ka lugar nga naagi-an sa bagyo ang nagpabiling gibaha gihapon.
Bisan paman nga dako ang nahimong epekto sa bagyo, nagpasalamat usab si Florida Governor Ron DeSantis nga dili kini worst case scenario.
Samtang gipahayag usab ni US President Joe Biden nga gibana-banaan sa mga experto nga anaa sa $50 billion ang kantidad sa kadaot nga gibilin ni Hurricane Milton.
