Ipatawag sa pagdungog sa Senado ang pipila ka local civil registries nga nag-isyu ug mga birth certificates pinaagi sa late registration sa mga foreign nationals.
Sa Senate Resolution No. 1200 nga gipasaka nila ni Senators Loren Legarda ug Raffy Tulfo, gihisgutan ang report sa National Bureau of Investigation (NBI) nga anaa sa 1,200 ka mga foreigners nga gituhuang mga Chinese nationals ang nakakuha ug birth certificates pinaagi late registration sa Santa Cruz, Davao del Sur sukad niadtong 2016 kung diin ang pipila niini ang adunay criminal records.
Nasayran usab sa National Security Council (NSC) nga ang mga gipagawas nga birth certificates sa mga corrupt nga civil registrars sa mga nagbayad nga langyaw ang nagamit aron makakuha sila ug Philippine passports.
Gihisgutan usab ang report sa Philippine Statistics Authority (PSA) nga niadtong 2022, 1.3 million births ang narehistro ug insakto sa oras, samtang anaa sa 127,919 births ang narehistro 30 ka adlaw o mosobra pa homan gipanganak.
Kasagaran ang birth certificates pinaagi sa late registration ang alang sa mga Filipino nga nanimuyo sa halayong lugar o mga indigenous areas nga wala dayon nakaparehistro.
