Nagpadayag sa iyahang tubag si Atty. Israelito Torreon, diin nailhan kining usa sa Legal Counsel sa KOJC, kabahin sa mga pangutana kung mudagan ba kini sa pulitika.
Subay sa iyahang post sa social media, gikanayon niini nga wala kini plano karun nga mudagan sa natad sa pulitika gumikan dili pa kini matud pa niya panahon alang niining mga butanga.
Dugang pa niini, nga kinahanglan pa usab niya nga iyahang pagatagaan ug pagtagad isip nag unang prayoridad ang iyahang pagpangabugar ngadto kang Pastor Apollo Quiboloy ug sa uban pang mga kliyente niini.
Kinahanglan sab matud pa niya nga tagaan pa ug tumang pag-amuma ang JMC Law School, diin siya ang College Dean niini.
Saysay pa niini nga bata pa usab ang iyahang mga anak ug kinahanglan pa usab nga tagaan pa niya og dako nga panahon ang iyahang pamilya, lakip na usab sumala pa nga wala pa usab kini kwarta aron ikasuporta niya sa pagpangampanya.
Sa katapusan, gikanayon ni Torreon nga “EACH MAN WILL HAVE HIS OWN TIME AND TIME HAS ITS OWN MAN” sumala pa.
