DAVAO REGION- Magpahigayon ang Overseas Workers Welfare Administration XI (OWWA XI) ug usa ka INFORMATION CARAVAN FOR MEMBERSHIP karung umalabot nga Setyembre 30 ning tuiga, magsugod alas 8 sa buntag hangtod alas 3 sa hapon, diin ipahigayon kini sa Tagum Trade Center sa Tagum City, Davao Del Norte.
Tumong sa maong aktibidad, nga ipromote ug dalhon ang mga programa ug serbisyo gikan sa OWWA ngadto sa mga resident sa Tagum City ug mga kasikbit nga mga munisipyo sa Davao Del Norte.
Ang maong aktibidad maoy magsilbing one-stop shop nga proseso alang sa mga OFW ug sa ilahang mga benepisyaryo.
Magmugna sab kini ug libreng konsultasyon ug maghatag usab ug tubag sa buot nga mangutana kabahin sa mga programang availale sa buhatan.
Lakip sa mga serbisyong ihatag mao ang pagpamatuod ug pag renew sa OWWA Membership, lakip na usab ang mga listahan sa panginahanglanon niini, pre-assessment sa mga nahilakip alang sa mga social benefits, Social Program ug Reintegration Program.
