Gihagit karun ni Davao City Mayor Sebastian Baste Duterte ang Chair of the Appropriations Committee nga si Congressman Zaldy Co, nga diretsuhon kini ang iyahang igsuon nga si Vice President Sara Duterte kalabot sa kung unsa man ang mga namugnang isyu tali sa duha.
Gikwestyon sa mayor nganong dili na lamang matud pa kining komprontahon si VP Sara.
Una nang nagpaguwa ug patutsada si si Congressman Co, kabahin sa aduna na sumala pa silent martial law sa Davao City, ug gawas pa niana dili matud pa angay nga kasaligan si VP Sara gumikan dagko sumala pa nga mga kantidad sa kwarta sa gobyerno ang nadispalko niini.
Apan gitubag sab kini ni Baste nga “paitoy-itoy” lamang si Congressman Co. ngadto kang House Speaker Romualdez ug gitawag sab sa Mayor ang duha nga sumala pa mga brats sa gobyerno.
