DAVAO CITY- Nagpa-ambit si Mayor Sebastian ‘Baste’ Duterte sa gibati niining kalipay ug kaguol atol sa pagsurrender ni Pastor Apollo Quiboloy ang founder sa Kingdom of Jesus Christ.
Pagbutyag sa maong alkalde nga nalipay kini gumikan natapos na matud pa ang samok sa KOJC.
Samtang naguol usab kini gumikan kay matud pa ang pamaagi sa paggukod kay Pastor Quiboloy ang dili makatao alang sa mga inosenteng tawo nga nagpuyo sa KOJC Compound ug ang matud pa obstruction sa kapulisan sa dalan nga wala mananghid sa lokal nga panggamhanan ug lakip na ang pagkalot sa JMC basement.
Dugang pa niini nga tataw gayud kaniya nga wala girespeto sa mga kapulisan ang mga dabawenyo gumikan kay nakadala og kahasol ang maong pag-atang sa dalan sa taas nga panahon.
Sigon pa niini nga wala gayud kini nakauyon sa paggamit sa authority sa mga kapulisan sai matud pa pagpugos sa ilahang gustong mahitabo nga wala na managhid pa sa lokal nga panggamhanan.
Dugang pa samaong alkalde nga nasabtan niining mao kato ang trabaho sa mga kapulisan gumikan nagsunod lamang kini sa mando gikan sa taas apan wala lamang kini nakauyon sa pamaagi atol sa pagsilbi sa maong warrant of arrest.
